پرۆگرامی چانداریان- 2 ؛ شکستی هیندەکان بە تامی سەرکەوتن


هیندستان  لە رێکەوتی 7ی ئەیلولی ئەمساڵ، لە سەروبەندی بون بە چوارهەمین دەوڵەت لە نیشتنەوە لەسەر روی مانگ، بەسەرکەوتویی مۆدولی ڤیکرام کە لە کەشتی ئاسمانی چانداریان 2 لێببوەوە لە خولگەی مانگدا جێگیرکرد.

11 ساڵی رەبەق سەرقالی ئامادەکردنی ئەو پرۆگرامەبون

زانا و ئەندازیارەکانی ئەو پرۆگرامە ئاسمانیە، کە لە راستیدا لە ساڵی 2008 ەوە دەستیان کرد بو بەو پرۆگرامە و ماوەی 11 ساڵی رەبەق سەرقالی ئامادەکردنی ئەو پرۆگرامەبون، بە پەرۆشیەوە هەناسەیان توند کرد و تەماشای نیشتنەوەی ڤیکرام-یان دەکرد، چونکە ئیتر شتانێکی وا نەمابو کە لە دەستیان بێت بیکەن، ئەوە ئەرکێکی رۆبۆتی بو هەمو شتێک لە پێشوتردا پرۆگرامسازی و ئەندەزەسازی بۆ کرابو.

دژوارترین ئان و ساتی ئەم ئەرکە ئاسمانیە مێژویە، پانزە خولەک بەر لە نیشتنەوەی ڤیکرام بو بۆ سەر روی مانگ

لە روی تەکنەلۆجیەوە، دژوارترین ئان و ساتی ئەم ئەرکە ئاسمانیە مێژویە، پانزە خولەک بەر لە نیشتنەوەی ڤیکرام بو بۆ سەر روی مانگ، یەکەم قۆناغی ئەو پانزە خولەکە دژوارە بە سەرکەوتوی کۆتایی هات، لە ناوەندی کۆنترۆلی گەشتە ئاسمانیەکە لەسەر زەوی هاواری خۆشی  و چەپلەرێزانی سەرکەوتن لێدرا، مۆدولی ڤیکرام لە لایەکەوە نزمدەبوە لەلایەکی دیکەوە خێرایەکەی کەمی دەکرد، یەکەم مۆدولی مانگی بو کە نێردراوەتە بەشی باشوری مانگ و لەناویدا پلان و پرۆژەی تاقیکاری و  ماشێنێکی ئاسمانی شەش تایەیی تیادا بو.

لەپر پەیوەندی ژوری کۆنترۆلی ئەندازیارەکان لە سەر روی زەوی لەگەڵ ڤیکرامدا پچرا

لەو ساتەدا کە هەمو شتێک بە رێکوپێکی دەرۆشتە پێش، ڤیکرام لە بەرزایی 2100مەتر لە سەر روی مانگدا بو لە پر پەیوەندی ژوری کۆنترۆلی ئەندازیارەکان لە سەر روی زەوی لەگەڵ ڤیکرامدا پچرا.

بەداخەوە نەتوانرا پەیوەندی لەگەڵدا ببەسترێتەوە

لێپرسراوانی ژوری کۆنترۆل بۆ ماوەی چەندین خولەک بە پەرۆشەوە هەوڵی دوبارە بەستنەوەی پەیوەندیان دەکرد لەگەڵ ڤیکرامدا، بەڵام بەداخەوە نەتوانرا پەیوەندی لەگەڵدا ببەسترێتەوە( تا ئامادەکردنی ئەم راپۆرتەش هیچ رونکردنەوەیەکی فەرمیان لەو بارەیەوە نەداوە)، بەڵام کاتێک هاوێنەی کامێراکان چونە سەر نارێندا مودی سەرۆکوەزیرانی هیندستان کە خۆی بۆ تەماشاکردنی ئەو سەروەریە مێژوییەی وڵاتەکەی لە ژوری کۆنترۆل لەگەل دەستەی زانا و ئەندازیارەکان ئامادەبو، ئیتر لانی کەم ئەوە یەکلایی بوەوە کە ئەو چاوەڕوانیە زیاتر دەخایەنێت لەوەی دەیزانین.

ئێستا با بێنەوە سەر پرسیارە سەرەکیەکە؛ ئایا هیندستان شکستی هێنا لەو ئەرکە ئاسمانیەی؟ ئێستا کۆمەڵێک داتا و زانیاری دەخەینە بەرچاوتان و خۆتان لەو بارەیەوە بڕیار بدەن؛

پرۆگرامی بۆشایی ئاسمانی هیندستان ISRO زانیاری و ئەزمونی تەواوی بۆ نیشتنەوەی ماشێن لەسەر روی مانگ نەبو

چانداریان 2 وەک لە ناوەکەیدا دیارە، دوەم کەشتی ئاسمانی هیندستانە کە بەرەو روی مانگ هەڵدراوە؛ چانداریان 1 پێشتر بە سەرکەوتوی بەرەو خولگەی مانگ هەڵدرا، تا لەو خولگەیەدا بمێنێتەوە و چاودێری رەوشی سەر روی مانگ بکات، بەڵام دۆزینەوەیەکی وای ناردەوە بۆ سەر زەوی، بەتەنها هیندستان نا بەڵکو وای کرد تەواوی زەوی  جارێکی دیکە چاویان بەرەو مانگ بسورێنەوە؛ ئەگەری هەبونی ئاوی لە جەمسەرەکانی مانگدا دۆزیەوە، هەر لەدوای ئەم دۆزینەوە مێژویە بو کە هیندەکان تەنها بە بینینی ئاوەکەوە نەوەستان بەڵکو دەیانویست نمونەشی لێ بێنەەوە بۆ سەر زەوی و لێی بکۆڵنەوە، بەو هۆیەوە بڕیاری ناردنی چانداریان2 یان دا بۆ سەر روی مانگ، بەڵام پرۆگرامی بۆشایی ئاسمانی هیندستان ISRO زانیاری و ئەزمونی تەواوی بۆ نیشتنەوەی ماشێن لەسەر روی مانگ نەبو، هەر بۆیە لەگەڵ ئاژانسی بۆشای ئاسمانی روسیا Roscosmos لەسەر کاری پێکەوەیی بۆ نیشتنەوەی چانداریان2 لەسەر روی مانگ رێککەوتن.

ئەگەر لە کاتی خۆیدا بیاندایە بە هیندەکان ئەوا ئەو سەروەریە لە 2013 ەوە بۆ هیندستان دەنوسرایەوە

بەگوێرەی رێککەوتنەکە ئەرکی  ISROی هیندی بریتی بو لە دروستکردنی ماشێنە شەش تایەییکە و ئەرکی  Roscosmosی روسیش دروستکردنی مۆدولی نیشتنەوە بو لەسەر مانگ( ئەو بەشەی هیندەکان تیایدا ئەزمونیان نەبو)، بەڵام روسەکان لەو رێکەوتەی بەڵێنیاندابو مۆدولەکەیان نەدا بە هیندەکان، ئەگەر لە کاتی خۆیدا بیاندایە بە هیندەکان ئەوا ئەو سەروەریە لە 2013 ەوە بۆ هیندستان دەنوسرایەوە، پرۆگرامەکە دواخرا بۆ 2016 بەڵام روسەکان دوبارە بەڵێنەکەیان بەجێ نەهێنا.

 لە ساڵی 1982 ەوە لە پرۆگرامی ئاسمانی هیندستان وەک ئەندازیار دەستبەکار بوە 

لەبەر ئەوە، زانا و ئەندازیارە هیندیەکان بڕیاریاندا تەواوی قۆناغەکانی گەشتەکە لەلایەن خۆیانەوە جێبەجێ بکەن، هەر بۆیە ئەرکێکی تەواو قورسیان کەوتە سەر شان، ئێستا سەرنجتان  لەم شانۆ مێژویەدا  بۆلای ئەکتەری سەرەکی رادەکێشین؛ د.سیڤان لە ساڵی 1982 ەوە لە پرۆگرامی ئاسمانی هیندستان وەک ئەندازیار دەستبەکار بوە ،رۆلی سەرەکی هەبوە لە هەڵدانی چەندین موشەکی ئاسمانگەر بۆ بۆشایی ئاسمان.

 ئاژانسی NASA ئەمریکی لە پرۆگرامی ئاپۆلۆدا  363 ملیار دۆلاری خەرج کردوە، واتە 2420 جار زیاتر لە بودجەی  چانداریان 2

هیندستان بڕیاریدا ئەو ئەرکە قورسە بە سیڤان بدات، ئەوەش بە پێدانی بودجەیەکی پێکەنیناوی، سیڤان هەوڵی دەدا خەرجی پرۆگرامەکە  لەو بودجەیە تێنەپەرێت، بودجەکە چەند بو؛ 150 ملیۆن دۆلار، بەلای ئێوەوە پێکەنیناوی نەبو؟ فیلمی سینەمای interstellar کە ساڵی 2014 لەلایەن هۆڵیودە دەرکرا و فیلمێکی خەیاڵی زانستی بو باسی گەشت کرد بۆ بۆشایی ئاسمانی دەکرد، بودجەکەی: 165 ملیۆن دۆلار بو، هێشتا هەر پێکەنیناوی نیە؟  ئاژانسی NASA ئەمریکی لە پرۆگرامی ئاپۆلۆدا  363 ملیار دۆلاری خەرج کردوە، واتە 2420 جار زیاتر لە بودجەی  چانداریان 2.

بێگومان ئەوەی هیندستان کەشتیەکی بێ مرۆڤە، بەراوردکردنی بەوەی ناسا کارێکی تەواو زانستی نیە، بەڵام با بەراوردکاریەکە تەنها زانستی نەبێت؛ لەروە ئینسانیەکەوە تەماشایەکی د.سیڤان بکەن، لە گوندێکی دورە دەستی هیندستان خوێندویەتی، هیچ مامۆستایەکی تایبەتی نەبوە، لە هیچ  خوێندنگە و زانکۆیەکی تایبەت نەیخوێندوە و تەنها کەسە لە خێزانەکەیدا کە توانیبێتی بڕوانامەی زانکۆ بەدەست بهێنێت، خەونی منداڵی ئەو گەشتن بوە بەسەر روی ئەو نوقتە بریقەدارەی شەوان لە ئاسمانی گوندەکەیانەوە دەیبینی، پانزە خولەک بەر لەوەی نێردراوەکەی بگەیەنێتە سەر روی ئەو نوقتەیە………..! هیندستان سەرکەوتو بو یاخود نا؟

پرۆگرامی چانداریان- 2 ؛ شکستی هیندەکان بە تامی سەرکەوتن




وەشانی نوێی بەرنامەی Simple Grapher Plus

بەرنامەی Simple Grapher بەرنامەیەکی زانستییە بۆ سیستمی ویندۆز، بەرنامەکە توانای کێشانی وێنەی ڕوونکردنەوەیی نەخشە بیرکارییەکانی هەیە، و ئەم بەرنامەیە لەلایەن گەنجێکی کوردەوە دروست کراوە، و تاکە بەرنامەی کوردی زانستی دادەنرێت.

زانیاری تەواو دەربارەی بەرنامەکە: http://physic4kurd.net/?p=1519

ئەم بەرنامەیە تاکو ئێستا چوار وەشانی لێ دەرچووە، و وەشانی پێنجەم لەم نزیکانە بڵاوکرایەوە، ئەو تایبەتمەندیانەی کەلەم وەشانەدا زیادکراوە:

  • نوێ:

١-دیاریکردنی گۆشە (پلە و ڕادیەن)

٢-هێڵی خەیاڵی پۆلار

٣-زیادکردنی نووکی هێڵ بۆ هێڵی تەوەرەکان

٤-هاوکێشەی نوێ (floor ،ceil ،max ،min ،int ،fix )

٥-زیادکردنی کردارەکانی “AND”, “OR”, “=” و “≠” بۆ دیاریکردنی بواری نەخشەکان

٦-فێرکاری

٧-گۆڕانکاری لە هەڵبژاردەی وێنە ڕوونکردنەوەییەکە

٨-نموونەی نوێ: Dumbo

٩-Function Evaluator: گۆڕینی بوار بە ماوس

١٠-بەشی Tutorial لە تابی Sample زیادکراوە

 

  • هەڵە چاککراوەکان:

١-چەند هەڵەیەک چاککراوە لە گۆڕینی نەخشەی ستاندارد بۆ هێڵی و بە پێچەوانەشەوە

٢-دروستبوونی هەڵە لە داخستنی هەندێک فۆرم

٣-نموونەی Pikachu دیارنەبوو

٤-دروست بوونی هەڵە لە دەرکەوتنی دوگمەی Home

٥-Function Evaluator بەبێ کێشە کاردەکات

٦-3D Parametric z(u,v) خەزن نەدەکرا لە فەیلەکەدا

٧-نەخشە سێ دووریەکە لە کاتی داخستنی بەشی پڕ بەشاشە دەرنەدەکەوت

 

  • بەرەوپێشبردنەکان:

١-بەرەوپێشبردنی نەخشەی دوو دووری

٢-چەندین چاککاری کراوە لە بواری نەخشەکان

٣-چەند چەکسازییەک لە کێشانی نەخشەی پۆلار

٤-جێگیری و چاککسازی نەخشەی سێ دووری

٥-بۆهەر فایلێک کە دەکرێتەوە، پشکنین بۆ وەشانی فایلەکە دەکرێت

 

  • وێنەکان:

1 2 3 4 5 6

7

  • داگرتن:

داگرتن لە سایتی فەرمی